Almaty Business Development Company, Алматы қаласы Кәсіпкерлік және инвестициялар басқармасы мен «Kazakh Invest» АҚ өкілі мен «PRAGMA Advisors»американдық компаниясының негізін қалаушы және президенті арасында танысу кездесуі өтті
2024 жылғы 22 қазанда Алматы қаласында Almaty Business Development Company, Алматы қаласы Кәсіпкерлік және инвестициялар басқармасы мен «Kazakh Invest» АҚ өкілі мен «PRAGMA Advisors»американдық компаниясының негізін қалаушы және президенті арасында кездесу өтті. Кездесудің мақсаты ынтымақтастық пен Қазақстанға инвестиция тарту мүмкіндіктерін талқылау, сондай-ақ жергілікті кәсіпкерлік бастамаларды қолдау болды
Pragma Advisors — бұл бизнес пен стартаптарда бай тәжірибесі бар мамандар тобы. Компания құрылтайшыларды, инвесторларды және операторларды біріктіреді, олардың дамуының алғашқы кезеңдерінде жобаларға белсенді кеңес береді және инвестициялайды. Шекара және дамушы нарықтарға маманданған Pragma Advisors аз қамтылған аймақтарға назар аудара отырып, құрылтайшылар, кеңесшілер және инвесторлар арасындағы өзара әрекеттесудің экожүйесін жасайды. Компанияның маңызды миссиясы — жергілікті кәсіпкерлерді қолдау және әлеуеті жоғары өңірлерде бизнесті дамытуға жәрдемдесу
Кездесу барысында Almaty Business Development Company өкілдері Алматы қаласының инвестициялық әлеуеті туралы айтып берді. Мемлекеттік қолдау шаралары, инвесторлар үшін преференциялар, сондай-ақ ҚР аумағындағы инвестициялық қызметтің ерекшеліктері талқыланды
Кездесу қорытындысы бойынша тараптар Қазақстанда кәсіпкерлікті дамытуға және жергілікті бастамаларды қолдауға бағытталған ынтымақтастықтың ықтимал жолдарын қарастыруға келісті. PRAGMA Advisors өкілдері Қазақстан өз жобаларын жаңа нарықтарда дамытуға ұмтылатын халықаралық компаниялар үшін қолайлы бизнес-орта ұсынатынын атап өтті
