Қазақстан Республикасы Премьер-Министрінің бірінші орынбасары Р. В. Склярдың Германия Федеративтік Республикасына жұмыс сапары аясында Майндағы Франкфуртте «Kazakhstan Investment Day 2025″экономикалық форумы өтті

2025 жылғы 02 сәуірде Қазақстан Республикасы Премьер-Министрінің бірінші орынбасары Р.В. Склярдың Германия Федеративтік Республикасына жұмыс сапары аясында Майндағы Франкфуртте «Kazakhstan Investment Day 2025» экономикалық форумы өтті
Германия экономикасы комитеті ұйымдастырған Форум Қазақстан-Германия экономикалық ынтымақтастығының перспективаларын және Германиядан Қазақстанға инвестициялар мен инновацияларды тарту мүмкіндіктерін талқылауға, сондай-ақ қазақстандық нарыққа неміс компанияларының қатысуын кеңейтуге арналған платформаға айналды
«Қазақстан мүмкіндіктер нарығы ретінде — Инвестициялар және қаржыландыру мүмкіндіктері» және «Жаңа нарықтарды игеру үшін шикізат жеткізу және логистика» панельдік сессиялары аясында сөз сөйледі:
* Алибек Куантыров, ҚР Сыртқы істер министрінің орынбасары;
* Олжас Сапарбеков, ҚР Өнеркәсіп және құрылыс вице-министрі
Қазақстан шикізатты өндіру және қайта өңдеу жөніндегі бірлескен жобаларды іске асыру үшін неміс және еуропалық компаниялармен және қаржы институттарымен күш біріктіруге дайын. Сондай-ақ, неміс тәжірибесі бойынша білім берудің «дуальды жүйесін» әзірлеу талқыланды, бұл отандық экономиканы жоғары білікті кадрлармен қамтамасыз етуге мүмкіндік береді
Р. В. Склярмен бірге келген қазақстандық делегация құрамына Алматы қаласы Кәсіпкерлік және инвестициялар басқармасының басшысы А. Сатыбалдиев, Almaty Business Development Company басқарма төрағасы А. Рамазан және мемлекеттік органдар мен ұлттық компаниялардың басқа да өкілдері кірді