Жыл басынан бері Almaty Business Development Company компаниясында 14 мыңнан астам кеңес берілді

Жыл басынан бері Алматы бизнесті дамыту компаниясы 14 мыңнан астам консультация өткізді, 208 рұқсат құжаттарын алуға көмек көрсетілді, 112 бизнес-жоспар әзірленді, 1,5 млрд теңгеге 37 жоба қаржыландырылғанға дейін сүйемелденді. Бұл туралы Ұлттық баспасөз клубында өткен баспасөз мәслихатында «Almaty Business Development Company» ЖШС Басқарма төрағасының орынбасары Серік Достанов мәлімдеді.

Бір терезе қағидаты бойынша инвесторлармен өзара іс-қимыл жасау үшін Almaty Business Development Company құрылды. Ұйым жобаларды қаржыландыру және рұқсат құжаттарын алу бойынша кәсіпкерлерге жәрдемдесумен айналысады. Сондай-ақ, компания әкімшілік кедергілердің болуына нормативтік құқықтық актілерге талдау жүргізеді, ынталандырудың жаңа шараларын әзірлейді.